ಇನಿ ತುಳುನಾಡ್ ದ ಜನತೆಗ ಕೆಡ್ಡಸದ ಪರ್ಬ. ಭೂಮಿ ಅಪ್ಪೆ ಮದಿಮಲಾಪಿನ ಈ ದಿನತಾನಿ ತುಳುವರೆ ಭೂಮಿ ಅಪ್ಪೆಗ ಒಂಜಿ ಬೊಟ್ಟು ಎಣ್ಣೆನ ಪಾರ್ದ್ ಆಚರಣೆ ಮಲ್ಪೆರ್. ಈ ದಿನ ನ ಕೆಲವು ತಿಕ್ಡ್ ಆಚರಣೆ ಮಲ್ಪೆರ್ ಒರಿಸ್ಸಾಡ್ ರಜ ಉತ್ಸವ್ ,ಅಸ್ಸಾಂಟ್ ಅಂಬುಬಾಚಿ, ಕಾಶ್ಮೀರೊಟ್ ರಾಣಿ ಸ್ಮಾಪ್ನ ಪಂದ್ ಉಂಡು. ಈ ದಿನ ಚಳಿ ಕಮ್ಮಿ ಇಪ್ಪುಂಡು.ಈ ಆಚರಣೆನ್ ಮೂಜಿ ದಿನ ಮನ್ಪುವೆರ್ ಸುರುತದಿನ ಸುರುತ ಕೆಡ್ಡಸ, ರಡ್ದೆನಾನಿ ನಡು ಕೆಡ್ಡಸ , ಮೂಜೆನಾನಿ ಕಡೆತ ಕೆಡ್ಡಸ. ಕೆಡ್ಡೆಸದ ದುಂಬುನಾನಿ ಜಾಲ್ಗ್ ಅಂಬಿ ಅಡಿತ್ದ್ ಶುದ್ದ ಮಲ್ತ್ದ್ ತುಳಸಿಕಟ್ಟೆದ ಕೈತಲ್ ಮಡಲ್ದ ಮದೆ ಮಲ್ತ್ದ್ ಅವೆನುಲಯಿ ಉರುಟುಗು ಸೇಡಿದ ಗೆರೆ ಪಾಡುವೆರ್ ಮನದಾನಿ ಅಯಿತ ನಡುಟೊಂಜಿ ಮಣೆ ದೀದ್ ತುಡರ್ ಪೊತ್ತಾದ್ ಕುಡು ಅರಿ ಪೊಗ್ತ್ದ್ ಗೋಂಟು ತಾರಾಯಿ ಬೆಲ್ಲದೊಟ್ಟುಗು ಕೊಡಿ ಇರೆಟ್ ಬಳಸುವೆರ್ .
ಆನಿ ಇಲ್ಲದಕುಲು ನುರ್ಗೆ, ಬದನೆ ಪಾಡ್ದ್ ಕಜಿಪು ಮಲ್ತ್ದ್ ತಿನ್ಪೆರ್. ನುರ್ಗೆ, ಬದನೆ ಫಲ ಸಂಕೇತದ ನಂಬಿಕೆಗೆ.
ಅಕೇರಿದಾನಿ ನೀರ್, ಪೇರ್, ಎಣ್ಣೆ ಭೂಮಿಗ್ ಬುಡ್ದು, ಕೈ ಮುಗಿಪೆರ್
. ಒಟ್ಟಾರೆ ಆದ್ ಭೂಮಿ ಅಪ್ಪೆ ಮದಿಮಲಾಪಿನ ಮೂಜಿ ದಿನಟ್, ಕಡೆತ ದಿನತಾನಿ ಭೂಮಿ ಅಪ್ಪೆ ಮೀದ್ ಬರ್ಪೆರ್.ಅನಿ ಇಲ್ಲಡ್ ಬಗೆ ಬಗೆತ ತೆನಸ್ ಮಲ್ಪೆರ್.
