ಕವಿತೆ : ವಿಶ್ವನಾಥ ಕುಲಾಲ್ ಮಿತ್ತೂರು
Advertisement
![]()
ಗಿಡದ ತುದಿಯಲಾರು ಹೀಗೆ
ಹಚ್ಚಿರುವರು ಹಣತೆ?
ದಶ ದಿಕ್ಕುಗಳಿಗೆ ಕಿರಣ ಚಾಚಿ
ಬೆಳಗುತಿಹಳು ಶ್ರೀಲತೆ!
ನೀರು ಕುಡಿದ ಬೇರಿನಲ್ಲಿ
ನಡೆಯಿತೇನೋ ಮಂಥನ!
ಲೋಕಮುಖಕೆ ತೆರೆದುಕೊಂಡ
ಹೊಸ ಚಿಗುರು ಚಿಂತನ!
ಅದರಾಚೆಗೆ
Advertisement
![]()
ಮೊಗ್ಗು ಮರಿ
ನಿದ್ದೆಯಿಂದ ಎದ್ದಿತು!
ನಗುವನೆರೆದು ಭೃಂಗ ಕರೆದು
ಜಗದ ಹೃದಯ ಗೆದ್ದಿತು!
ಪ್ರಕೃತಿ ತಾಯಿ ತೊಟ್ಟಿಲಲ್ಲಿ
ಇಂತಹ ವಿಸ್ಮಯಗಳು ಸಾವಿರ!
ಒಳಗಣ್ಣಿನ ಅರಳು ನೋಟಕೆ
ತೆರೆದುಕೊಳುವುದು ಸಾಗರ!!
Advertisement
![]()
