ಇಂದು ಭಾರತಕ್ಕೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಭೇಟಿ ನೀಡಲಿದ್ದಾರೆ. ಉಕ್ರೇನ್ ವಿರುದ್ಧ ಯುದ್ಧ ಆರಂಭವಾದ ನಂತ್ರ ಪುಟಿನ್ ಭಾರತಕ್ಕೆ ನೀಡ್ತಿರೋ ಮೊದಲ ಭೇಟಿ ಇದಾಗಿದೆ. ಇಂದು ನವದೆಹಲಿಗೆ ಆಗಮಿಸಲಿರುವ ಪುಟಿನ್ ಎರಡು ದಿನ ಭಾರತ ಪ್ರವಾಸದಲ್ಲಿ ಇರಲಿದ್ದಾರೆ. 2021ರಲ್ಲಿ ಪುಟಿನ್ ಕೊನೆಯದಾಗಿ ಭಾರತಕ್ಕೆ ಭೇಟಿ ಕೊಟ್ಟಿದ್ರು. ಈಗ ಅವರ ಭವ್ಯ ಸ್ವಾಗತಕ್ಕೆ ಭರದಿಂದ ಸಿದ್ಧತೆ ನಡೆದಿದ್ದು.. ಅವರ ವಾಸ್ತವ್ಯಕ್ಕೆ ದೆಹಲಿಯ ಮೌರ್ಯ ಹೋಟೆಲ್ ಸಜ್ಜಾಗಿದೆ.
ಇಂದ್ರಲೋಕ’ದಂತಿರೋ ಹೋಟೆಲ್..!
ರಷ್ಯಾ ಅಧ್ಯಕ್ಷ ಪುಟಿನ್ ವಾಸ್ತವ್ಯಕ್ಕೆ ದೆಹಲಿ ಮೌರ್ಯ ಹೋಟೆಲ್ ಸಜ್ಜು
ಮೌರ್ಯ ಹೋಟೆಲ್ನ ಪ್ರತಿಯೊಂದು ಕೊಠಡಿ ಕೂಡ ಕಾಯ್ದಿರಿಸಲಾಗಿದೆ
ಹೋಟೆಲ್ ಅಧ್ಯಕ್ಷೀಯ ‘ಚಂದ್ರಗುಪ್ತ ಸೂಟ್’ನಲ್ಲಿ ಪುಟಿನ್ ವಾಸ್ತವ್ಯ
ಭೋಜನವು ಹೋಟೆಲ್ನ ಪ್ರಸಿದ್ಧ "ದಮ್ ಪುಖ್ತ್" ರೆಸ್ಟೋರೆಂಟ್ ಇರಲಿದೆ
ಹೋಟೆಲ್ ಆವರಣ ಮತ್ತು ಸುತ್ತಮುತ್ತ ಭದ್ರತಾ ಸಂಸ್ಥೆ ನಿಯೋಜನೆ
ಭಾರತದ ರಾಷ್ಟ್ರೀಯ ಭದ್ರತಾ ದಳದ ಕಮಾಂಡೊಗಳು, ಸ್ನೈಪರ್, ಡ್ರೋನ್
ಜಾಮರ್, ಎಐ ಆಧಾರಿತ ಪರಿಶೀಲನಾ ವ್ಯವಸ್ಥೆ ಸೇರಿ 5
ಹಂತದ ಭದ್ರತೆ
ಮೋದಿ-ಪುಟಿನ್ ಮಾತುಕತೆ
ಇತರೆ ದೇಶಗಳ ಮೇಲೆ ಅಮೆರಿಕ ವಿಧಿಸಿರೋ ನಿರ್ಬಂಧಗಳಿಂದ ಭಾರತ-ರಷ್ಯಾ ವ್ಯಾಪಾರವನ್ನ ಪ್ರತ್ಯೇಕಿಸುವ ಕ್ರಮದ ಬಗ್ಗೆ ಚರ್ಚೆ ನಡೆಯಲಿದೆ. ಪರಮಾಣು ಶಕ್ತಿಗಾಗಿ ಸಣ್ಣ ಮಾಡ್ಯುಲರ್ ರಿಯಾಕ್ಟರ್ಗಳ ಪ್ರಸ್ತಾಪ, ರಷ್ಯಾದೊಂದಿಗೆ ರಕ್ಷಣಾ ಸಹಕಾರ, ಆರ್ಥಿಕ ಸಹಕಾರವನ್ನ ಪುನಶ್ಚೇತನಗೊಳಿಸುವುದು. ಯುರೇಷಿನ್ ಆರ್ಥಿಕ ಒಕ್ಕೂಟದಲ್ಲಿ ಮುಕ್ತ ವ್ಯಾಪಾರ ಒಪ್ಪಂದದ ಕುರಿತು ಮಾತುಕತೆ ಆರಂಭವಾಗಿರೋದ್ರಿಂದ, ವ್ಯಾಪಾರಕ್ಕೆ ಸುಂಕ, ಸುಂಕ ರಹಿತ ಅಡೆತಡೆಗಳ ಬಗ್ಗೆ ಚರ್ಚೆ ನಡೆಯುವ ಸಾಧ್ಯತೆ ಇದೆ. ಜೊತೆಗೆ ಪ್ರಾದೇಶಿಕ ಸಮಸ್ಯೆ, ಸರ್ಕಾರಿ & ವಾಣಿಜ್ಯ ಒಪ್ಪಂಗಳಿಗೆ ಸಹಿ ಹಾಕುವ ನಿರೀಕ್ಷೆ ಇದೆ.
