ನಿರ್ದೇಶಕ ಆರ್ ಚಂದ್ರು ಅವರ ಬರೋಬ್ಬರಿ 4 ವರ್ಷಗಳ ಶ್ರಮದ ಫಲದಿಂದ ‘ಕಬ್ಜ’ ಸಿನಿಮಾ ಸುಮಾರು 4000 ಚಿತ್ರಮಂದಿಗಳಲ್ಲಿ ತೆರೆಕಂಡಿದೆ.
ಕೊರೊನಾ, ಲಾಕ್ಡೌನ್ ಇತ್ಯಾದಿ ಹಲವು ಅಡೆತಡೆಗಳು ಎದುರಾದರೂ ಕೂಡ ಅವುಗಳನ್ನು ಮೆಟ್ಟಿನಿಂತು ಕೆಲಸ ಮುಂದುವರಿಸಿ (ಮಾರ್ಚ್ 17) ಅದ್ದೂರಿಯಾಗಿ ಎಲ್ಲ ಕಡೆಗಳಲ್ಲಿ ‘ಕಬ್ಜ’ ರಿಲೀಸ್ ಆಗಿದೆ. ಉಪೇಂದ್ರ, ಕಿಚ್ಚ ಸುದೀಪ್, ಶಿವರಾಜ್ಕುಮಾರ್ ಅವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಅಭಿಮಾನಿಗಳು ಅತಿಯಾದ ನಿರೀಕ್ಷೆಯಿಟ್ಟಿರುವ ಈ ಸಿನಿಮಾ ಬಗ್ಗೆ ಪ್ರೇಕ್ಷಕರ ಮನ ಗೆಲ್ಲುವಲ್ಲಿ ಚಿತ್ರ ತಂಡ ಯಶಸ್ವಿಯಾಗಿದೆ. ಪ್ರೇಕ್ಷಕರ ಪ್ರಕಾರ 3.5/5 ರಿವ್ಯೂ ಪಡೆದಿದೆ ಕಬ್ಜಾ.
ನಟ ಉಪೇಂದ್ರ ಅವರ ವೃತ್ತಿಜೀವನದಲ್ಲಿ ಇದು ಡಿಫರೆಂಟ್ ಸಿನಿಮಾ. 1970ರ ಸಮಯದಲ್ಲಿ ನಡೆಯುವ ಕಥೆಯಲ್ಲಿ ಅವರು ಗ್ಯಾಂಗ್ಸ್ಟರ್ ಪಾತ್ರ ಮಾಡಿದ್ದಾರೆ. ಮೊದಲು ಸೌಮ್ಯವಾಗಿದ್ದು, ನಂತರ ಅಬ್ಬರಿಸುವ ಆರ್ಕೇಶ್ವರನೆಂಬ ಯುವಕನ ಪಾತ್ರದಲ್ಲಿ ಅವರು ಉತ್ತಮವಾಗಿ ಅಭಿನಯಿಸಿದ್ದಾರೆ. ಭಿನ್ನವಾದಂತಹ ಫೈಟಿಂಗ್ ದೃಶ್ಯಗಳಲ್ಲಿ ಅವರು ಪರಾಕ್ರಮ ಮೆರೆದಿದ್ದಾರೆ.
‘ಕಬ್ಜ’ ಚಿತ್ರಕ್ಕೆ ಹೈಪ್ ಹೆಚ್ಚಲು ಕಾರಣವಾದ ಪ್ರಮುಖ ಅಂಶಗಳಲ್ಲಿ ಪಾತ್ರವರ್ಗ ಕೂಡ ಒಂದು. ಈ ಚಿತ್ರದಲ್ಲಿ ಉಪೇಂದ್ರ ಜೊತೆ ಕಿಚ್ಚ ಸುದೀಪ್
ಮತ್ತು ಶಿವರಾಜ್ಕುಮಾರ್ ನಟಿಸಿದ್ದಾರೆ ಎಂಬ ನಿರೀಕ್ಷೆಯಿಂದಲೇ ಹೆಚ್ಚಿನ ಮಂದಿ ಚಿತ್ರಮಂದಿರಕ್ಕೆ ಬರುತ್ತಾರೆ. ಅಂಥವರಿಗೆ ಸರ್ಪ್ರೈಸ್ ಕಾದಿರುತ್ತದೆ. ಪೊಲೀಸ್ ಕಮಿಷನರ್ ಪಾತ್ರದಲ್ಲಿ ಸುದೀಪ್ ಅವರು ಆರಂಭದಲ್ಲೇ ಎಂಟ್ರಿ ನೀಡುತ್ತಾರೆ. ಒಂದು ವಿಶೇಷ ಸನ್ನಿವೇಶದಲ್ಲಿ ಶಿವಣ್ಣ ಕಾಣಿಸಿಕೊಳ್ಳುತ್ತಾರೆ. ಕಿಚ್ಚ ಸುದೀಪ್, ಶಿವರಾಜ್ಕುಮಾರ್ ಹಾಗೂ ಉಪೇಂದ್ರ ಅವರು ಒಟ್ಟಿಗೆ ಕಾಣಿಸಿಕೊಳ್ಳುವ ದೃಶ್ಯ ಬಂದಾಗ ಪ್ರೇಕ್ಷಕರಿಗೆ ರಿಯಲ್ ಸರ್ಪ್ರೈಸ್ ಎದುರಾಗುತ್ತದೆ.
ಉಪೇಂದ್ರ ಅವರು ಈ ಮೊದಲು ಅನೇಕ ಬಾರಿ ಈ ಮಾತನ್ನು ಹೇಳಿದ್ದರು. ತಂತ್ರಜ್ಞರೇ ಈ ಸಿನಿಮಾದ ಹೀರೋಗಳು ಅಂತ ಅವರು ಹೇಳಿಕೆ ನೀಡಿದ್ದರು. ‘ಕಬ್ಜ’ ನೋಡುವಾಗ ಆ ಮಾತು ಹೌದು ಅಂತ ಖಂಡಿತ ಎನಿಸುತ್ತದೆ. ನಿರ್ದೇಶಕ ಆರ್. ಚಂದ್ರು ಅವರು ಒಂದು ಕಲ್ಪನಾಲೋಕವನ್ನು ತೆರೆದಿಟ್ಟಿದ್ದಾರೆ. ಅದಕ್ಕೆ ಪೂರಕವಾಗಿ ಕಲಾ ನಿರ್ದೇಶಕ ಶಿವಕುಮಾರ್ ಕೊಡುಗೆ ನೀಡಿದ್ದಾರೆ. ಛಾಯಾಗ್ರಾಹಕ ಎಜೆ ಶೆಟ್ಟಿ ಅವರು ಎಲ್ಲವನ್ನೂ ಬೆರಗಿನಂತೆ ತೋರಿಸಿದ್ದಾರೆ. ಎಂದಿನಂತೆ ಅಬ್ಬರಿಸುವ ಸಂಗೀತದೊಂದಿಗೆ ರವಿ ಬಸ್ರೂರು ಆವರಿಸಿಕೊಂಡಿದ್ದಾರೆ.
