ಟೊಮೆಟೊ ಬೆಲೆ ಶತಕ ದಾಟಿದ ನಂತರ ತರಕಾರಿಗಳ ಬೆಲೆಯು ಹೆಚ್ಚುತ್ತಲೇ ಹೋಯಿತು. ಆದರೆ ಇದೀಗ ಈರುಳ್ಳಿ ಬೆಲೆ ಕೂಡ ದೇಶದ ಹೆಚ್ಚಿನ ಭಾಗಗಳಲ್ಲಿ ಬೆಲೆಯಲ್ಲಿ ಹೆಚ್ಚಳಕ್ಕೆ ಸಾಕ್ಷಿಯಾಗಬಹುದು. ಮುಂಗಾರು ತಡವಾಗಿ ಆರಂಭಗೊಂಡಿರುವವುದರಿಂದ ಈಗಾಗಲೇ ಪೂರೈಕೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ.
ಪ್ರಸ್ತುತ ಸರ್ಕಾರ ಸುಮಾರು ಎರಡು ತಿಂಗಳ ಹಿಂದೆ ರೈತರಿಂದ ಸುಮಾರು 0.14 ಮಿಲಿಯನ್ ಟನ್ ಈರುಳ್ಳಿ ದಾಸ್ತಾನು ಖರೀದಿಸಿದೆ. ಭಾರತವು ಈರುಳ್ಳಿಯನ್ನು ಅತಿ ಹೆಚ್ಚು ಉತ್ಪಾದಿಸುವ ದೇಶವಾಗಿದೆ. ಮಧ್ಯಪ್ರದೇಶ, ಗುಜರಾತ್, ಕರ್ನಾಟಕ ಮತ್ತು ಮಹಾರಾಷ್ಟ್ರ ಸೇರಿದಂತೆ ನಾಲ್ಕು ರಾಜ್ಯಗಳು ದೇಶದ ಒಟ್ಟು ಉತ್ಪಾದನೆಯಲ್ಲಿ 80% ಕ್ಕಿಂತ ಹೆಚ್ಚು
ಪಾಲನ್ನು ಹೊಂದಿದೆ.
2023-24 ರಲ್ಲಿ ಸರ್ಕಾರವು 2.51 ಲಕ್ಷಟನ್ ಈರುಳ್ಳಿಯನ್ನು ಬಫರ್ ಸ್ಟಾಕ್ ಆಗಿ ನಿರ್ವಹಿಸಿದೆ. ಬಫರ್ ಸ್ಟಾಕ್ ಅನ್ನು ಯಾವುದೇ ಅಗತ್ಯತೆಗಳನ್ನು ಪೂರೈಸಲು ಮತ್ತು ಬೆಲೆ ಸ್ವೀಕರಣೆಗಾಗಿ, ಕಡಿಮೆ ಪೂರೈಕೆ ಋತುವಿನಲ್ಲಿ ದರಗಳು ಗಣನೀಯವಾಗಿ ಹೆಚ್ಚಾದರೆ ನಿರ್ವಹಿಸಲಾಗುತ್ತದೆ ಎಂದು ಕೇಂದ್ರ ಆಹಾರ ಸಚಿವ ಪಿಯೂಷ್ ಗೋಯಲ್ ಹೇಳಿದರು.
