ಮಂಗಳೂರು : ಮಂಗಳೂರಿನಲ್ಲಿ ವ್ಯಕ್ತಿಯೋರ್ವನಿಗೆ ಕಂತೆ ಕಂತೆ ನೋಟುಗಳಿರುವ ಬಾಕ್ಸ್ ಸಿಕ್ಕಿರುವ ಬಗ್ಗೆ ವರದಿಯಾಗಿದೆ.ಆ ವ್ಯಕ್ತಿ ಹಣದ ಬಾಕ್ಸ್ ಕಂಡು ಮೈಮರೆತು ತಾನು ಕಂಠ ಪೂರ್ತಿ ಕುಡಿದು ಬಳಿಕ ಜೊತೆಗಿದ್ದವರಿಗೂ ಕುಡಿಯಲು ಹಣ ಕೊಟ್ಟಿದ್ದಾರೆಂದು ವರದಿಯಾಗಿದೆ.
ಶಿವರಾಜ ಎಂಬುವರಿಗೆ ಕಳೆದು ತಿಂಗಳು ನವೆಂಬರ್ 27ರಂದು ನಗರದ ಪಂಪ್ವೆಲ್ ಬಾರ್ ಬಳಿ ಕಂತೆ ಕಂತೆ ಹಣ ಇರುವ ಬಾಕ್ಸ್ ಸಿಕ್ಕಿದೆ. ಬಾಕ್ಸ್ನಲ್ಲಿ 500, 2,000 ರೂ.ಮುಖ ಬೆಲೆಯ ನೋಟುಗಳಿತ್ತು ಎನ್ನಲಾಗಿದೆ.
ವಿಷಯ ತಿಳಿದು ಕಂಕನಾಡಿ ಪೊಲೀಸರು ಹಣದ ಬಾಕ್ಸ್ ಸಮೇತ ಶಿವರಾಜ್ನನ್ನು ವಶಕ್ಕೆ ಪಡೆದಿದ್ದಾರೆ. ನಂತರ ಮೂರು ದಿನಗಳ ಕಾಲ
ಠಾಣೆಯಲ್ಲಿ ಇಟ್ಟುಕೊಂಡು ಬಿಟ್ಟು ಕಳಿಸಿದ್ದಾರೆ.
ಪೊಲೀಸರು ಬಾಕ್ಸ್ ನಲ್ಲಿ 49 ಸಾವಿರ ರೂ ಮಾತ್ರ ಇತ್ತು ಎಂದು ತಿಳಿಸಿದ್ದಾರೆ. ಆದರೆ ಶಿವರಾಜ್ ಬಾಕ್ಸ್ನಲ್ಲಿ 5ರಿಂದ 10 ಲಕ್ಷ ಇತ್ತು ಎಂದು ಹೇಳಿರುವುದಾಗಿ ವರದಿಯಾಗಿದೆ.
ಆದರೆ, ಒಂದು ವಾರ ಕಳೆದರೂ ಹಣದ ನಮ್ಮದು ಎಂದು ಯಾರೂ ಬಂದಿಲ್ಲ, ಹಣ ಕಳೆದುಕೊಂಡ ಬಗ್ಗೆ ದೂರು ಕೊಟ್ಟಿಲ್ಲ ಎನ್ನಲಾಗಿದೆ.
